تكلمت عن الروتين الليلي من قبل بس هنا راح اتكلم فيه بالتفصيل !
اولاً-الاهتمام بالبشره وخصوصاً فترة المساء جداً مُهمه طيب شلون نبدأ نهتم ببشرتنا قبل النوم!!
بالبدايه لو كنتي من اللي بتعمل ميك آب كل يوم فأنتي تحتاجين يومياً ع الاقل انك تتبعين هالخطوات البسيطه اللي راح تحافظ لك على بشرتك من اي مشاكل بيسببها الميك آب طيب شنو الخطوات !!!تعالي اقول لك روتين سهل وسريع*
بس قبل لازم اقول كم شغله مٌهمه بالنسبه لتنظيف المكياج
اهم واكثر منطقه حساسه اهي منطقة العين وحول العين وافضل طريقه راح اقولها الان تحافظ لك ع منطقة حول العين *
اول شي تحطي بقطنتين مزيل مكياج العيون انا استخدم من بايوديرما لانه آمن على العين وينظف بشكل جميل تسكرين عيونك وتحطي القطن اللي فيها مزيل المكياج وبحركه دائريه جداً رقيقه تحركين لتحت تعملي هالحركات الدائريه البطيئه حتى تحسي كل الماسكارا راحت وصارت العين نظيفه بس الا م يبقى اثر الكحل والماسكارا تحت العين وتركهم مع الوقت يعمل سواد تحت العين وشكل غير مرغوب فيه ابداً الحل انك
تجيبين اعواد تبع الأدن وتحطي شي بسيط جداً من الغسول وتمسحين خط الرموش كله حتى يروح كل اثر الكحل والماسكارا وبعد ماتزيلي كل الميك آب تنظفي بشرتك بجهاز الكليراسونيك والجهاز مااقدر استغني عنه ابداًلان تنظيفه عميق يشيل الميكب من طبقات البشره اللي اليد ماتقدر تنظفها اهوا يقوم بهالشي ومن زود حبي له ضايفته من اهم شغله في مفضلاتي
طيب تعالوا نشوف طريقة استخدامه!
اولاً الجهاز فيه سرعتين سرعه عاديه بطيئه والسرعه الثانيه تكون اقوى واسرع انا احب السرعه العاديه يعني كأنك تعملي مساج وتنظيف بنفس الوقت فيه مؤقت بيحسب لك الثواني يعني على منطقة الجبهه 20 ثانيه وعلى منطقة الانف كمان 20ثانيه وعلى الخدين كل خد 10ثواني وبهالشكل تكوني نظفتي بشرتك بدقيقه وحده بس وبعدها يطفي الجهاز اعتقد مافيه اسهل واسرع من كدا
من تجربتي له انصح كل بنت يكون عندها فعلاً جميل ,وبعد التنظيف نجي للتنشيف يكون بفوطة الوجه وبطريقة الطبطبه مو المسح
بعد التنشيف تقفلي المسام بتونر وانا افضل استخدام موية الورد تقفل المسام وتشد البشره ولان الكليراسونيك بيفتح لك المسام عشان بينظف لك من العمق محتاجه هالخطوه ضروري ويفضل موية الورد تكون بخ انا افضل هالطريقه لان احس لما امسح بالقطن انوا القطن نفسه بيمتص المويا فعشان هالشي ببخ موية الورد وبنتظر حتى بشرتي تتشربها وبعدها احط كريم العنايه الليلي وعمل مساج بعجلة المساج من the body shop لانها بتنشط الدوره الدمويه بالوجه والبشره تستفيد اكثر من الكريم بعد كريم الوجه والمساج بحط كريم مخصص لبشرة حول العين وانتبهي لايدخل عينك مجرد طبطبه بالاصبع لانها منطقه حساسه جداً لما تخلصي تنظيف وترطيب ومساج تجي لترطيب منطقة الشفايف وبس***وخلصنا روتينا قبل النوم وبعدها احلاااااامم سعيدهه.
ليست هناك تعليقات:
إرسال تعليق